Elnarə və “Next” qrupunu belə görməmisiniz!

Müğənnilər Heydər Əliyev adına Sarayda aparıcılıq edəcək

14 fevral saat 19-da Heydər Əliyev adina Sarayda möhtəşəm konsert proqramı keçiriləcək. Lent.az-ın məlumatına görə, Heydər Əliyev adına Sarayın həyata keçirdiyi konsertdə Nazpəri Dostəliyeva, Faiq Ağayev, Tünzalə, Azərin, Aygün Bəylər, İradə İbrahimova, Elnur, Mətanət İsgəndərli, Zamiq, Xumar Qədimova, Nadir Qafarzadə, Elza Seyidcahan, Samir Cavadzadə, Baloğlan Əşrəfov, Çingiz Mustafayev və digər müğənnilər iştirak edəcək.

Konsertin aparıcıları müğənni Elnarə və “Next” qrupu olacaq. Aparıcılar həmin gün olduqca fərqli imiclə tamaşaçıları təəccübləndirəcəklər.

Hazırda qrup üzvləri və müğənni sözügedən maraqlı reklam çəkilişləri ilə məşğuldur.

Heydər Əliyev adına Sarayda keçirilən konsertin qiyməti 15-40 manat arasındadır.
Konsertin informasiya dəstəyi Lent.az xəbər portalıdır.

Lalə Yusifqızı