Samiraldo Anar Ağakişiyevi biabır etdi

Stilist Samiraldo həmkarı Anar Ağakişiyevi zövqsüzlükdə ittiham edib. Lent.az-a açıqlama verən stilist bildirib ki, həmkarının geyindiyi geyimləri indi heç kim geyinmir.

“Anarın qəti zövqü yoxdur. O, nə geyinir ki? Ya cins şalvar, ya da qara şalvar, ağ corab. Onu da bizim heç əyalət rayonlarında geyinmirlər. Mən eşitməmişəm ki, kimsə desin ki, Anar Ağakişiyevin geyimlərində qeyri-adilik var. O, məni zövqsüz adlandırıb. Sizin sayta açıqlama verərkən, mənim adımı çəkməməklə, haqqımda fikir söylədi. Amma hər kəs bildi ki, söhbət məndən gedir. O, hər yerdə deyir ki, mən özümü Ledy Qaqa adlandırıram, zövqsüzəm və sair. Amma mən heç zaman özümə o adı verməmişəm. Mənim yeni adım var, Samiraldo”.

Qeyd edək ki, stilist Anar Ağakişiyev ötən gün Len.az-a açıqlamasında stilistlər arasında da zövqsüzlərin olduğunu söyləmişdi: “Düşünməyin ki, təkcə müğənnilər arasında zövqsüzü var. Stilistlərin də zövqsüzü var. Mən həmin insanların adını açıqlamaq istəmirəm. Onların ən zövqsüzlərinin sayı 10 nəfərdir. Sadəcə, mən onların adın çəksəm, onların səviyyəsinə enmiş olacağam. Hətta onların arasında biri var, onu ANS telekanalında tez-tez görürsünüz. O, efirlərə çıxanda da necə istəyir geyinir. Mən heç vaxt onun kimi geyinmirəm. Çünki, biz adi insanlara örnəyik. Yeni nəsil gənclərdə onun geyimlərinə baxıb, onun kimi geyinməyə çalışacaq. O üzdən gərək o, geyimlərinə diqqət etməlidir. Bu necə ola bilər ki, bir kişi özünə Ledy Qaqa deyir. Burada ilk növbədə psixoloji durum məsələsi var. Özü də həmin şəxs mətbuata, çoxlu yalanlar danışır. Sizdə bilirsiniz ki, mən kimdən danışıram. Ancaq mən onun adını çəkmək istəmirəm. Bu onun üçün böyük reklam olar”.

Yalçın Süleymanov