"Cənab nazir həmin modelyeri heç tanımır"

Turkiyəli modelyer Barbaros Şansala Azərbaycanın xarici işlər naziri Elmar Məmmədyarovun ona bahalı saat bağışladığını deyib.

Modelyer bunu Türkiyənin “Star” kanalında yayımlanan “Alişan və Sevcan” verilişində deyib.

Azadliq. info-nun məlumatına görə, həmin verilişə qonaq çağırılan başqa bir türk sənətçisi Iden Çelikerin qolundakı bahalı saat aparıcıların diqqətini çəkib.

Çelikər isə bildirib ki, saat ona məxsus deyil. O, saatını taxmağı unutduğunu, bu saatı isə səhnə arxasında Barbaros Şansaldan aldığını bildirib. Daha sonra səhnəyə çıxan Barbaros Şansal saat barədə danışıb.

O bildirib ki, bu saatı ona Azərbaycanın xarici işlər naziri hədiyyə edib.

Ekranda saatın markasını görmək mümkün olmayıb.

Xarici İşlər Nazirliyinin mətbuat katibi Elman Abdullayev isə Elmar Məmmadyarovun adının bu məsələdə hallandırılmasının yanlış olduğunu bildirib: "Cənab nazir həmin modelyeri heç tanımır. Bu, cəfəngiyyat bir şoudur".