Dünya bazarında neftin qiyməti yenidən ucuzlaşıb. APA TV-nin məlumatına görə, gün ərzində "Brent" markalı neftin qiyməti 39,54 dollara düşüb, səhər seanslarında isə qiymət 40 dollara kimi qalxıb. Qərbi Texas neftinin qiymətində də ucuzlaşma var. Gün ərzində keçirilən hərraclarda WTI neftinin qiyməti 38 dollara kimi düşüb. WTI neftinin bir bareli indi 38,55 dollardan satılır ki, bu da dünənki qiymətlərdən 50 sent ucuzdur.
Ekspertlər qiymətlərin hələ aprelin 17-dək 39-41 dollar ətrafında stabilləşəcəyini qeyd edirlər. İranın Dohada keçiriləcək OPEK ölkələri və kartelə üzv olmayan neft dövlətlərinin toplantısına qatılacağı xəbəri belə qiymətlərin qalxmasına təsir göstərməyib. Rusiya mənbələri İranın toplantıya qatılacağını, lakin hasilatı dondurmaq barədə qərara qoşulmayacağını bildirirlər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
