Mərkəzi Bankda Asiya İnkişaf Bankının (AİB) nümayəndə heyəti ilə görüş keçirilib. Bankdan Lent. az-a verilən məlumata görə, Mərkəzi Bankın sədr müavini Xaqani Abdullayev AİB-in regional əməkdaşlıq və əməliyyatların əlaqələndirilməsi şöbəsinin müdiri Viki Tanın rəhbərlik etdiyi nümayəndə heyəti ilə görüşüb.
Görüşdə ölkəmizlə AİB arasında “Ölkə tərəfdaşlığı strategiyası” layihəsi, o cümlədən bank sektorunda nağdsız ödənişlər, mikromaliyyələşdirmə və qarşılıqlı iqtisadi əməkdaşlıq məsələləri müzakirə olunub. AİB-in Azərbaycanın bank sektoru ilə uğurlu əməkdaşlıq etdiyini vurğulayan nümayəndə heyətinin üzvləri bu əlaqələrin gələcəkdə də davam etdiriləcəyini qeyd edib.
X.Abdullayev çıxışında sözü gedən layihənin “Azərbaycan 2020: gələcəyə baxış” İnkişaf Konsepsiyasında nəzərdə tutulan məsələləri dəstəklədiyini deyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
