Cəmiyyətdə taksi sürücülərinin imtahan verməsi ciddi müzakirələrə səbəb oldu. Kimisi bu qərarı dəstəkləyir, kimisi isə bunun əleyhinə fikirlər səsləndirir.
Maraqlıdır, görəsən taksi sürücülərinin imtahan verməsi nələri dəyişdirəcək?
Məsələ ilə bağlı nəqliyyat eksperti Aslan Əsədov Lent.az-a açıqlamasında bildirib ki, bu imtahan sürücülük ilə bağlı peşəkarlığın müəyyən edilməsi çox doğru addımdır.
Onun sözlərinə görə, çünki bu sahədə ciddi boşluqlar var:
“İmtahanlar özü ilə bərabər həmişə məsuliyyət gətirir. Bu və digər formada imtahanların keçirilməsi insanlarda məsuliyyət hissini artırır. Onların sürücülük davranışı və qanunları mənimsəmək cəhətdən mühüm rol oynayır. Ümumiyyətlə, taksi fəaliyyətinə yararsız insanların kütləvi şəkildə taksi sürücüsü kimi fəaliyyət göstərməsi həm sahənin nüfuzunu aşağı salır, həm də qəzaların çoxluğuna, xidmət zamanı vətəndaşlara qarşı müəyyən neqativ halların yaşanmasına gətirib çıxarır. Bu, taksi fəaliyyətində mövcud vəziyyəti qaydaya salmaq üçün atılan addımdır və müsbət nəticə verəcəyi şübhəsizdir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
