Bu il rekord həcmdə ərzaq buğdası tədarük olunacaq
01 avqust 2009 18:02 (UTC +04:00)

Bu il rekord həcmdə ərzaq buğdası tədarük olunacaq

Taxıl yığımı başa çatır

Son günlər ölkə ərazisində müşahidə olunan sel və daşqınlar taxıl yığımına təsir göstərməyib. İyulun 30-a olan məlumata əsasən, respublika ərazisində taxıl zəmilərinin 95 faizdən çoxunda biçin başa çatıb.

Kənd təsərrüfatı Nazirliyindən Lent.az-a bildiriblər ki, indiyədək 1,6 milyon hektarda biçin aparılıb və bu sahələrdən 2,5 milyon tondan çox məhsul götürülüb. Hazırda dağlıq ərazilərdə taxıl biçini davam edir və mövsümün yekununda tədarük olunan ərzaq buğdasının ümumi həcminin 2,8 milyon tona çatacağı gözlənilir.

Nazirlikdə bildirirlər ki, bu il Azərbaycan tarixində rekord həcmdə taxıl tədarük olunacaq. Çünki məhsuldarlıq əvvəlki illərlə müqayisədə yüksəkdir. Məhsuldarlıq səviyyəsinə görə ən çox artım Aran və Dağlıq Şirvan zonalarında qeydə alınıb. İndiyədək biçilmiş sahələrdə orta məhsuldarlıq 26,1 sentner olub. Bu il tədarük olunan taxılın 91,6 faizi Aran, Dağlıq Şirvan, Gəncə-Qazax, Lənkəran, Şəki-Zaqatala və Yuxarı Qarabağ iqtisadi rayonların payına düşüb.

Elxan SALAHOV
# 823

Oxşar yazılar