Azərbaycan Dövlət Dəmir Yolu xüsusi tədbirlərə başladı
24 iyul 2009 12:00 (UTC +04:00)

Azərbaycan Dövlət Dəmir Yolu xüsusi tədbirlərə başladı

Buna səbəb Rusiya və Gürcüstanda “donuz qripi”nin yayılmasıdır


Rusiya və Gürcüstanda A(H1N1) virusunun (“donuz qripi”) yayılması ilə əlaqədar Azərbaycan Dövlət Dəmir Yolu (ADDY) tədbirlər planı hazırlayıb.

Bu barədə «APA-ECONOMICS»ə ADDY-in mətbuat xidmətinin rəisi Nadir Əzməmmədov məlumat verib.

Bu təhlükəli virus simptomları barədə qatar bələdçiləri məlumatlandırılıb, həmçinin Dəmir Yolu Xəstəxanasında xəstəliyin aşkarlandığı sərnişinlərin saxlanılması üçün xüsusi palatalar ayrılıb.

N. Əzməmmədovun sözlərinə görə, dəmir yolunun həkimlərindən ibarət xüsusi sanitar qrup yaradılıb. Virus təhlükəsi aşkarlandıqda sanitar qrup qatarları sərhəddən Bakıya və əks istiqamətdə müşayiət edəcək.

Tədbirlər planına əsasən, sərnişin qatarlarında sanitariya-gigiyena norma və qaydalarına, dezinfeksiya rejiminə ciddi əməl edilməsi yoxlanılıb, dəmir yolu ərazisində yerləşən bütün obyektlərin profilaktik və cari dezinfeksiyası aparılıb. ADDY Taun Əleyhinə Stansiyada profilaktik preparatların, dezinfeksiya maddələrinin və fərdi qoruyucu vasitələrinin ehtiyatı yaradılıb.
# 404

Oxşar yazılar