İpoteka bazarına ciddi dəstək
12 iyun 2009 12:45 (UTC +04:00)

İpoteka bazarına ciddi dəstək

Bakı Fond Birjası Azərbaycan İpoteka Fondunun istiqrazlarının yerləşdirilməsinə başlayır

Bu gündən etibarən Bakı Fond Birjasında (FBF) ipoteka istiqrazlarının yerləşdirilməsinə başlanacaq. Hərraca ilkin olaraq, 15 milyon manat məbləğində istiqraz çıxarılacaq. Yerləşdirmə anından istiqrazların satış qiyməti nominal dəyərin 100 faizini, yəni 1000 manat təşkil edir. Bu isə 15 milyon istiqraz deməkdir.

Bakı Fond Birjasından Lent.az-a bildiriblər ki, istiqrazlar üzrə ümumi gəlirlik illik 3 faizdir. İstiqraz əldə etmək istəyənlər Bakı Fond Birjasının üzvü olan və broker lisenziyasına malik təşkilata müraciət edə bilərlər. İstiqrazlar 2016-cı il mayın 10-da ödəniləcək. Təqdim edilmiş sifarişlər təklifdən çox olduğu halda sifarişlər proporsional qaydada təmin ediləcək.

Fondda deyirlər ki, istiqrazların ilkin yerləşdirilməsində iştirak edən təşkilat Azərbaycanın Mərkəzi Bankıdır. Azərbaycan İpoteka Fondunun faizli adlı sənədsiz istiqrazlarının emissiya prospekti Bakı Fond Birjasının internet səhifəsinin (www.bfb.az) “Emitentlər” bölməsində yerləşdirilib.

Xatırladaq ki, Qiymətli Kağızlar üzrə Dövlət Komitəsi İpoteka Fondunun 55 milyon manatlıq istiqrazını mayın sonunda qeydə alıb. Bütün bu istiqrazlar BFB-da yerləşdiriləcək.

Elxan SALAHOV
# 294

Oxşar yazılar