Avropanın ən lüks otelini Azərbaycanlı iş adamı tikdirdi
22 aprel 2009 16:00 (UTC +04:00)

Avropanın ən lüks otelini Azərbaycanlı iş adamı tikdirdi

“Mardan Palace”ın inşası üçün 1,4 milyard dollar xərclənib

Avropanın ən lüks oteli Antalyada azərbaycanlı iş adamı tərəfindən inşa edilib.

Lent.az-ın İngiltərənin “The Times” qəzetinə istinadən məlumatına görə, “Mardan Palace” adlanan otelin tikintisi üçün 1,4 milyard dollar xərclənib. Qəzet bu rəqəmin zarafat olmadığını xüsusi vurğulayıb.

Otelin tikintisində qızıl və büllurdan istifadə edilib. Daha sonra Misirdən 9 ton qızılı rəngdə qum gətirilib. Oteldə istifadə olunan qab-qacaq üçün isə 1,35 milyon dollar xərclənib.

“Mardan Palace”da otaqların qiyməti bir gecə üçün 14 dollardan başlayır. Lüks otaqların bir gecəlik qiyməti isə 18-20 min dollardır.

Oteldə bir butulka şərabın qiyməti 3500 dollara yaxındır. Burada 19986-cı ildə istehsal edilən “Château Lafite Rothschild” markalı şərab satılır.

“Mardan Palace”nin rəsmi açılışı bu il iyunun 1-də olacaq.
# 1352

Oxşar yazılar