“Elit” Ticarət Mərkəzinin sahibi Fransa aviaşirkətini aldı
13 aprel 2009 14:00 (UTC +04:00)

“Elit” Ticarət Mərkəzinin sahibi Fransa aviaşirkətini aldı

5 milyon avro zərərə düşmüş şirkətə yeni təyyarələr alınacaq

Azərbaycanda fəaliyyət göstərən türkiyəli iş adamı Əli Evsen Fransanın “Eagle Aviation” Hava Yolları Aviaşirkətini satın alıb. Lent.az-ın məlumatına görə, bu barədə Türkiyənin “Hürriyet” qəzeti xəbər verib. Qəzet məlumatı adıçəkilən şirkətin açıqlamasına istinadən verib. Səudiyyə Ərəbistanına kirayə təyyarə xidməti göstərən şirkət azərbaycanlı iş adamı və onun belçikalı şəriki Benoit Boqarqs alıb. Anqarında ikisi “Boinq-757”, ikisi isə “Airbus-A310” tipli ümumilikdə 4 təyyarə olan aviaşirkət Səudiyyə Ərəbistanı ilə təyyarə kirayələmək anlaşmasında dollar və avro arasındakı fərqin dəyişməsi səbəbindən 5 milyon avro zərərə düşmüşdü.

Aviaşirkətin yeni rəhbərliyi yeni model təyyarələr alaraq xidməti yüksək səviyyədə göstərməyi planlaşdırır.

Qeyd edək ki, Əli Evsen Bakıda geniş biznes fəaliyyəti ilə məşğuldur. O, həmçinin “Elit” Ticarət Mərkəzinin və “Star” taksi şirkətinin sahibidir.
# 1276

Oxşar yazılar