Qaz hesabatı açıqlandı

Lent.az-ın ARDNŞ-in rəsmi saytına istinadən verdiyi məlumata görə, ay ərzində yeraltı qaz anbarlarına 221 milyon 176 min kubmetr “mavi yanacaq” vurulub.

Bununla da avqust ayı ərzində 647 milyon 188 min kubmetr qaz istifadə olunub. Bu həcmdən sənaye, əhali və “Azərenerji” ASC-nin istifadəsinə 537 milyon 293 min kubmetr təbii qaz verilib, Gürcüstana 13 milyon 28 min kubmetr, Rusiyaya 62 milyon 743 min kubmetr qaz ixrac olunmuş və Naxçıvan MR-nın qaz təminatı üçün isə İran İslam Respublikasına 34 milyon 124 min kubmetr “mavi yanacaq” ötürülüb.

ARDNŞ cari ilin səkkiz ayında da Azərbaycanın yanacaq-enerji balansında təbii qazın təhvili üzrə nəzərdə tutulmuş öhdəlikləri artıqlaması ilə yerinə yetirib. Yanvar-avqust ayları ərzində ARDNŞ ölkənin təbii qaz təchizatı sisteminə 7 milyard 484 milyon 714 min kubmetr “mavi yanacaq” verib ki, bu da proqnozdan 666 milyon 414 min kubmetr çoxdur. Bundan başqa, ölkə sənayesinin, əhalinin təbii qazla tam təmin olunması və xaricə qazın ixracı ilə əlaqəli bağlanmış müqavilə öhdəliklərini yerinə yetirmək məqsədi ilə yeraltı qaz anbarlarından əlavə olaraq 638 milyon 680 min kubmetr “mavi yanacaq” götürülüb. Yeraltı qaz anbarlarına əlavə olaraq 1 milyard 51 milyon 843 min kubmetr qaz vurulub.

Beləliklə, 2010-cu ilin yanvar-avqust ayları ərzində 7 milyard 71 milyon 551 min kubmetr qaz istifadə olunub. Bu həcmdən sənaye, əhali və “Azərenerji” ASC-nin istifadəsinə 6 milyard 36 milyon 461 min kubmetr təbii qaz verilib, Gürcüstana 233 milyon 10 min kubmetr, Rusiyaya 557 milyon 391 min kubmetr qaz ixrac olunub və Naxçıvan MR-nın qaz təminatı üçün isə İran İslam Respublikasına 244 milyon 689 min kubmetr “mavi yanacaq” ötürülüb.