Hollandiyanın “Tvente” futbol klubunun baş məşqçisi Stiv Maklaren istefa verib. Lent.az-ın məlumatına görə, Maklarenin komandaya ikinci qayıdışı 14 ayadək davam edib.
52 yaşlı mütəxəssis “Tvente”nin baş məşqçi postuna ilk dəfə 2008-ci ilin mayında təyin olunub. Onun rəhbərliyi dövründə - 2010-cu ilin yanvarında Azərbaycan yığmasının futbolçusu Vaqif Cavadov da bu kluba keçib. Cavadov zədə üzündən meydana çıxmasa da, bu klub mövsümü qızıl medalla başa vurub. Bundan sonra əvvəlcə Maklaren, sonra isə Cavadov “Tvente”ni tərk edib.
İngiltərəli mütəxəssis bu komandaya ötən il yanvarın 5-də qayıdıb. Ötən mövsüm “Tvente” Hollandiya çempionatını 6-cı pillədə başa vurub, hazırda isə 5-ci pillədədir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
