Valeri Karpin "Qalatasaray"ı çalışdıra bilər

Məşhur rusiyalı futbol mütəxəssisi Valeri Karpin “Qalatasaray”ı çalışdıra bilər. Lent.az-ın xəbərinə görə, bu barədə "İTAR-TASS" İtaliya mətbuatına istinadən xəbər yayıb.

İtaliya mətbuatının yazdığına görə, “Qalatasaray” rəhbərliyi klubun son oyunlarda göstərdiyi uğursuz nəticələrdən sonra baş məşqçi Çezare Prandelli ilə yollarını ayırmaq qərarına gəlib. Ç.Prandellinin yerinə isə Valeri Karpinin gətiriləcəyi deyilir.

“Spartak” Moskvanın sabiq baş məşqçisi V.Karpin bu ilin yayından etibarən İspaniya 2-ci divizionunda çıxış edən “Malyorka”nı çalışdırır.