UEFA "Qalatasaray"ı cərimələyəcək

Son vaxtlar işləri yolunda getməyən Türkiyənin “Qalatasaray” klubu UEFA tərəfindən cəzalandırılacaq. Lent.az-ın məlumatına görə, buna qrup mərhələsinin 4-cü turunda Dortmund "Borussiya"sı ilə keçirilən matçda türkiyəli azarkeşlərin meydançaya yad əşyalar atması səbəb olub. Qeyd edək ki, məhz bu səbəbdən qarşılaşma 2 dəfə dayandırılıb. Analoji hadisə “Qalatasaray”ın “Arsenal”la oyununda da baş verdiyi üçün “aslan” 50 min avro məbləğində cəzalandırılmışdı. UEFA-nın bu dəfə hansı cəzanı kəsəcəyi hələ açıqlanmayıb.