Sabri Sarıoğlu: "Çətin günlər yaşadım"

Uzun müddətdən sonra yenidən “Qalatasaray” forması geyinən Sabri Sarıoğlu maraqlı açıqlamalar verib. Lent.az-ın məlumatına görə, "Kasımpaşa" ilə oyundan sonra jurnalistlərin suallarını cavablandıran təcrübəli futbolçu çətin günlər keçirdiyini deyib: “Əvəzedici heyətin bütün məşqçilər korpusuna və oyunçularına təşəkkür edirəm. Mənə ən çətin günlərimdə dəstək olublar. "Qalatasaray" sevdam imkan vermədi ki, bildiyim çox şeyləri danışım. Başımı aşağı salıb öz üzərimdə işlədim. Səbr elədim və nəhayət istədiyimə nail oldum. Bir çox başqan və məşqçi korpusu ilə işləmişəm. Kimsəyə qarşı tərbiyəsizlik eləməmişəm. Problem olanda qarşılıqlı söhbət edərək məsələni həll edən bir adamam. Bu gün mənim üçün yeni səhifə açıldı”.