Qadın karateçimiz bürünc medal uğrunda döyüşəcək

55 kq çəki dərəcəsində karate yığmamızın üzvü İlahə Qasımova finala vəsiqə qazana bilməyib. Lent.az-ın məlumatına görə, qadın karateçi birinci döyüşünü Cenni Varlinqə (Lüksemburq) qarşı keçirib. Döyüş 4:0 hesabı ilə təmsilçimizin xeyrinə başa çatıb. O, ikinci görüşündə də uğurlu seriyanı davam etdirib. Türkiyəli Tuba Yakanla qarşılaşan həmyerlimiz bu dəfə 1:0 hesablı qələbəyə sevinib.

Bu qələbə sayəsində yarımfinala vəsiqəni təmin edən İlahə son görüşünü xorvatiyalı Yelena Kovaçeviçə qarşı keçirib. Rəqib 1:0 hesabı ilə qalib gəldiyindən, Qasımova qrup ikincisi kimi mərhələ adlayıb.

Karateçimiz yarımfinalda fransalı Emilya Tuoyla qüvvəsini sınıyıb. Görüş 6-1 hesabı ilə Fransa idmançısının xeyrinə olub. Qasimova bürüc medal uğrunda döyüşdə iştirak edəcək.