Prezident İlham Əliyev Azərbaycan idmançısına qızıl medal təqdim etdi

Avropa Oyunlarında boks yarışlarında 64 kiloqram çəki dərəcəsində görüşlər başa çatıb. “Baku Cristal Hall”da bu çəki dərəcəsində qalib olan idmançılara medalların təqdim olunması mərasimi keçirilib. Avropa Oyunlarının qalibi olan Azərbaycan boksçusu, Kuba əsilli Lorenzo Sotomayora qızıl medalı prezident İlham Əliyev təqdim edib. Medallar təqdim olunduqdan sonra Azərbaycanın dövlət himni səsləndirilib, üçrəngli bayraq qaldırılıb.