Luis Suareslə Corco Kyellini barışır

Apasport.az saytının məlumatına görə, artıq hər iki futbolçunun agentləri gözlənilən görüşün tarixi barədə danışıqlara başlayıblar.

Suares və Kyellini arasındakı görüş KİV nümayəndələrinin iştirakı ilə baş tutacaq.

Qeyd edək ki, Suares DÇ-2014-ün Uruqvay - İtaliya matçında Corco Kyellinini dişlədiyi üçün futboldan 4 ay kənarlaşdırılıb. Forvard millinin heyətində 9 oyunluq diskvalifikasiya edilmişdi. Lakin Luisə “Barselona”nın heyətində məşq etməyə və yoldaşlıq matçlarında meydana çıxmağa icazə verilmişdi. Ötən ay Suaresin cəzası başa çatıb.