Hiddinkə yeni vəzifə verilə bilər

Qus Hiddink Hollandiya yığmasının baş məşqçisi postunu tərk edə bilər. Lent.az-ın məlumatına görə, təcrübəli çalışdırıcı hazırkı vəzifəsindən ayrılacağı təqdirdə, yenə Hollandiya millisində qalacaq. Belə ki, Hiddinkə komandanın müşaviri vəzifəsində çalışmaq təklif olunub. 68 yaşlı məşqçi bu günlərdə federasiya rəhbərliyi ilə görüşüb, bu məsələnin detallarını müzakirə edəcək. Əgər Hiddink müşavir təyin edilsə, baş məşqçi postunu onun köməkçisi Danni Blind tutacaq.