Elxan Məmmədov: "Yığmaya kimləri çağırıb-çağırmamaq baş məşqçinin işidir"

AFFA-nın baş katibi Elxan Məmmədov AVRO-2016-nın seçmə mərhələsi çərçivəsində sabah İtaliya yığması ilə keçiriləcək oyun öncəsi jurnalistlərin suallarını cavablandırıb. Lent.az-ın məlumatına görə, Məmmədov millimizdən əzmkar oyun gözlədiyini qeyd edib: “Bizi çox vacib oyunlar gözləyir. İtaliya və Xorvatiya qrupun ən güclü komandalarıdır. İstərdik ki, millimiz hər iki matçda əzmkarlıq nümayiş etdirsin və bununla sübuta yetirsin ki, bizim futbolda inkişaf gedir. Yığmaya kimləri çağırıb-çağırmamaq baş məşqçinin işidir. Görünür, Berti Foqts milliyə dəvət etmədikləri oyunçuların fiziki hazırlığından razı qalmayıb”.