Cüdoçumuz YARIMFİNALDA

Cüdoçumuz yarımfinal yüksəlib. Lent.az-ın məlumatına görə, 60 kq çəki dərəcəsində Azərbaycanı təmsil edən Orxan Səfərov 1/4 final mərhələsində isveçrəli Çammartin Ludoviçi 11-0 hesaı ilə qalib gələrək yarımfinala yüksəlib. Orxan Səfərov yarımfinalda ispaniyalı Garrigos Francisco ilə üz-üzə gələcək.

66 kq çəki dərəcəsində millimizi təmsil edən Nicat Şıxalızadə də məğlub olub. 1/4 finala mərhələsində portuqaliyalı rəqibinə təmiz qələbə ilə məğlub olub.

*********

Bu gün cüdoçularımız üçün uğurlu başlamayıb. Lent.az-ın məlumatına görə, bu gün mübarizə aparan 8 idmançıdan 6-sı artıq mübarizəni dayandırıb. 60 kq çəki dərəcəsində Orxan Səfərov 1/8 final mərhələsində Belarusu təmsil edən azərbaycan əsilli Asif Bağırova 12-10 hesabı ilə qalib gələrək 1/4 finala yüksəlib.

***

57 kq çəki dərəcəsində millinin liderlərindən sayılan Kifayət Qasımova məğlub olub. Lent.az-ın məlumatına görə, o, 1/16 final mərhələsində serbiyalı Yovana Roqiçlə məğlub olub.

***

66 kq çəki dərəcəsində Nicat Şıxalızadə inamlı qələbə qazanıb. Lent.az-ın məlumatına görə, o, 1/16 final mərhələsində türkiyəli Sinan Sandal üzərində təmiz qələbə qazanıb. Bu çəki dərəcəsində Tərlan Kərimov isə Rusiya idmançısı Mixail Pulyayev qarşında büdrəyib. Qarşılaşma Pulyayev 10-0 hesabı ilə qalibiyyəti ilə başa çatıb.

***

Cüdoçularımız Avropa Oyunlarına qələbə ilə başlayıb. Lent.az-ın məlumatına görə, qadınların 48 kq çəki dərəcəsində təmsil edən Leyla Əliyeva 1/16 final mərhələsində sloveniyalı Kristina Vrsiçlə üz-üzə gəlib. Qarşılaşmada Əliyeva rəqibi üzərində şido xalı qələbə qazanıb. O, 1/8 finalda belçikalı Şarlin van Sniklə gücünü sınayacaq.

Həmin çəki dərəcəsində digər cüdoçumuz Aişə Qurbanlı isə rusiyalı Kristina Rumyantsevanı qarşılaşıb. Aişə Qurbanlı bu döyüşü təmiz qələbə ilə keçib. O, 1/8 finalda italiyalı Valentina Moskattla üz-üzə gələcək.

52 kq çəki dərəcəsində Səkinə Zairova isə israilli Ronu Şvartsa məğlub olub. Qarşılaşma rəqibin təmiz qələbəsi ilə başa çatıb.

***

10:21

Bu gün Avropa Oyunlarında cüdoçularımız mübarizəyə başlayır. Lent.az-ın məlumatına görə, 60 kq çəki dərəcəsində millimizi Orxan Səfərov və İlqar Müşkiyev təmsil edəcək. Hər iki idmançımız 1/16 mərhələsindən azadır.

Qadınların 48 kq çəki dərəcəsində Azərbaycanı 2 idmançımız təmsil edəcək. Leyla Əliyeva sloveniyalı Kristina Vrsiç qarşılaşacaq.

Aişə Qurbanlı isə rusiyalı Kristina Rumyantsevanı ilə gücünü sınayacaq.

52 kq çəki dərəcəsində Səkinə Zairova israilli Roni Svartsla üz-üzə gələcək.