Avrokubok iddiaçılarından bərabərlik

Bu gün Topaz Premyer Liqasında XXII tura yekun vurulub. Apasport.az saytının məlumatına görə, iki qarşılaşma baş tutub.

Meydana mükafatlar və avrokuboklar uğrunda mübarizə aparan komandalar çıxıb. İddialıların duelləri Bakıda olub.

Əvvəlcə 7 oyundu qələbə qazanmayan “Zirə” “Qəbələ”ni qəbul edib. İstefası gündəmdə olan Ayxan Abbasovun yetirmələri 2018-ci ildə ilk qələbə ilə 3-cü sıranı qaytarmaq niyyətində idi. Roman Qriqorçukun komandası isə ardıcıl iki heç-heçədən sonra 3 xalı arzulayırdı. Lakin hər iki komandanın istəyi gerçəkləşməyib. Tərəflər hərəyə 1 qolla aktivlərinə 1 xal yazdırıblar və qələbəsizlik seriyasını davam etdiriblər.

Həftənin son matçında “Neftçi” və “Sumqayıt” üz-üzə gəlib. Məğlubiyyətsiz irəliləyən rəqiblər durumlarını yaxşılaşdırmaq üçün qalib gəlməli idi. 5 tur idi uduzmayan Tərlan Əhmədovun yetirmələri bu seriyanı davam etdirib. Belə ki, dramatik keçən matçda 4 qol vurulub və komandalar hərəyə 1 xalla kifayətləniblər. Bununla 2018-ci ilin ən yaxşısı olan Samir Abasovun komandası 10 oyundu məğlub olmur.

Topaz Premyer Liqası

XXII tur

8 aprel

“Neftçi” – “Sumqayıt” - 2:2

Qollar: Mirabdulla Abbasov, 45; Namiq Ələsgərov, 63 - Rəşad Eyubov, 41; Cavid İmamverdiyev, 79

Mövsümün əvvəlki oyunları: 0:1, 2:1, 0:2

“Zirə” – “Qəbələ” - 1:1

Qollar: M. Duriç, 53 (pen.) - S. Monroz, 78

Mövsümün əvvəlki oyunları: 1:1, 2:1, 1:2

1.	Qarabağ	22	16	5	1	32-8	53
2.	Qəbələ	22	12	5	5	36-22	41
3.	Sumqayıt	22	10	6	6	29-24	36
4.	Zirə	22	9	8	5	29-21	35
5.	Neftçi	22	9	4	9	28-24	31
6	Səbail	22	5	3	14	14-31	18
7.	Keşlə	22	4	6	12	19-34	18
8.	Kəpəz	22	3	3	16	14-37	12