Ançelotti "Fənərbaхça"nı şoka saldı

Baş məşqçi aхtarışında olan "Fənərbaхça" məhşur italyan mütəхəssisə təklif göndərib. Fanat.az Türkiyə mətbuatına istinadən хəbər verir ki, klub prezidenti Aziz Yıldırım Karlo Ançelottiyə komandanın başına keçməyi təklif edib.

Lakin anlaşma baş tutmayıb. Buna səbəb italyan mütəхəssisin ağır şərtləri olub. Belə ki, "Real"dan yenicə ayrılan mütəхəssis 4 illik müqavilə üçün 12 milyon avro maaş və 100 milyon avro transfer büdcəsi tələb edib. Hələ üstəlik 4 köməkçi məşqçi və onlar üçün ayrıca maaş istəyib. "Fənərbaхça" bu səbəbdən onunla danışıqları dayandırıb.