"Qarabağ" və "Neftçi" qalib gəldi

Apasport.az saytının xəbərinə görə, günün ilk matçı Sumqayıtda keçirilib.

Eyniadlı komandanın qonağı olan “Neftçi” 3 xal qazanıb. Paytaxt təmsilçisinin heyətində yeganə qolu kamerunlu legioner Ernst Nfor vurub.

Tofiq Bəhramov adına Respublika stadionunda “Qarabağ” və “Qəbələ” arasında baş tutan turun mərkəzi qarşılaşmasında isə 2 qol vurulub. İlk yarının son dəqiqəsində Vüqar Nadirovun dəqiq zərbəsindən sonra meydan sahibləri fasiləyə öndə yollanıb. İkinci qolu isə matçın 89-cu dəqiqəsində penalti zərbəsindən Reynaldo vurub. Qeyd edək ki, turun digər görüşləri oktyabrın 18-də və 19-da keçiriləcək.

17 oktyabr

“Sumqayıt” – “Neftçi” - 0:1

Qol: Ernst Nfor, 12

“Qarabağ” – “Qəbələ” - 2:0

Qollar: Vüqar Nadirov, 45; Reynaldo, 90 (pen)