Avropa Liqasının sabah keçiriləcək MTK ilə oyunu “Qəbələ” üçün yubiley xarakteri daşıyacaq. Apasport.az saytının məlumatına görə, “qırmızı-qaralar” avrokuboklarda 20-ci görüşə çıxacaq.
II təsnifat mərhələsinin Bakıda baş tutacaq cavab matçınadək əyalət klubunun hesabında 19 görüş var. Qitə miqyaslı turnirlərdə cəmi 2 il əvvəl debüt edən “Qəbələ” 19 matçda 5 qələbə qazanıb, 5 heç-heçə edib və 9 dəfə uduzub. Rəqib qapılarına 19 qol vuran təmsilçimiz Macarıstan klubunun qapısına yol tapsa, yubiley oyununda 20-ci qola sevinəcək. Komanda öz qapısından isə 27 top buraxıb.
Qeyd edək ki, “Qəbələ” həm oyun, həm qələbə, həm qol sayında Azərbaycan klubları arasında 4-cüdü. Bu göstəricilərdə yalnız “Qarabağ”, “Neftçi” və “İnter” öndədi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
