Türkiyə Superliqasında XXVIII turun növbəti oyunları keçirilib. Apasport.az saytının məlumatına görə, ikinci matç günündə üç qarşılaşma baş tutub.
“İstanbul BB” öz meydanında “Karabükspor”u qəbul edib. Görüşdə qalib müəyyənləşməyib - 2:2.
“Elazığspor”u qonaq edən “Kayserispor” isə böyük hesablı qələbə qazanıb. Meydan sahibləri matçdan 4:1 hesablı qalib ayrılıb.
Günün ən maraqlı oyunlarından biri “Türk Telekom Arena”da reallaşıb. Burada “Qalatasaray” “Mersin İdmanyurdu” ilə münsibətlərinə aydınlıq gətirib. Çempionlar Liqasının 1/4 final mərhələsində səfərdə “Real”a (3:0) uduzan “Cim-Bom” bu dəfə azarkeşlərini sevindirməyi bacarıb – 3:1.
Qeyd edək ki, Türkiyə Superliqasında XXVIII turun oyunlarına aprelin 8-də yekun vurulacaq.
Türkiyə Superliqası
XXVIII tur
5 aprel
“Antalyaspor” – “Kasımpaşa” - 3:2
Diarra, 30; 61, Tita, 35-pen – Hurmacı, 41, Uçe, 71
6aprel
“İstanbul BB” – “Karabükspor” – 2:2
Madureyra, 21, Holmen, 26-pen - Parlak, 45, Ünal, 58
“Kayserispor” - “Elazığspor” – 4:1
Bobo, Biliça, 29-avtoql, Muçe, 47; 68 - S.Kaloğlu, 34-pen
“Qalatasaray” – “Mersin İdmanyurdu” – 3:1
Melo, 61-pen, Droqba, 70; 84 - Eser, 3
7 aprel
“Gənclərbirliyi” – “Qaziantepspor”
“Akhisar BB” – “Trabzonspor”
“Əskişəhərspor” - ”Sivasspor”
“Orduspor” – “Fənərbaxça”
8 aprel
“Bursaspor” – “Beşiktaş”