Futbol üzrə Azərbaycan Kubokunun 1/4 final mərhələsinin “Bakı” ilə ilk oyunu “İnter”in baş məşqçisi Kaxaber Tsxadadze üçün əlamətdar olub. Lent.az-ın Peşəkar Futbol Liqasının rəsmi saytına istinadən verdiyi məlumata görə, gürcüstanlı mütəxəssis bu postda 150-ci matçına çıxıb.
2009/2010-cu il mövsümündən “İnter”in sükanı arxasında olan Tsxadadze komandanı 117 Premyer Liqa, 19 kubok, 8 avrokubok və 6 “Birlik kuboku”na hazırlayıb. O, 4 mövsüm ərzində 76 qələbə, 44 heç-heçə, 30 məğlubiyyət əldə edib. Bu oyunlarda “İnter” 186 qol vurub, 105-ni buraxıb.
Qeyd edək ki, Kaxaber Tsxadadze hazırda mövcud olmayan “Standard”ı da 30 matça çıxarıb. Bununla da Tsxadadze baş məşqçi kimi Azərbaycan karyerasında ümumi oyun sayını 180-ə çatdırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
