Terimin etirafı: "Acizəm"

Braziliya ilə keçirilən yoldaşlıq görüşündə biabırçı hesabla (0:4) uduzan Türkiyə millisinin baş məşqçisi Fatih Terim oyundan sonra açıqlama verib. Lent.az-ın məlumatına görə, təcrübəli çalışdırıcı aciz olduğunu etiraf edib: "Güclü komandaya qarşı oynadıq. Daha böyük hesabla uduza bilərdik. Bu məğlubiyyətdən dərs çıxarmalıyıq. Çox nadir hallar olub ki, aciz vəziyyətdə qalmışam. Futbolçular bizim övladlarımızdır. Unutmayaq ki, beş qat dünya çempionuna qarşı oynadıq və rəqibin heyətində Neymar, Villian kimi ulduzlar çıxış edirlər. İstərdim ki, Qazaxıstanla oyundan sonra Argentina ilə yoxlama görüşü keçirək. Azarkeşlər bu dəfə Messini izləsinlər".