Dani Karvahal "Xetafe"yə azad agent kimi keçib.
Ötən mövsümdən sonra ayrılan "Real"ın keçmiş kapitanı Dani Karvahal özünə yeni klub tapıb.
34 yaşlı ispan müdafiəçi "Xetafe"yə azad agent kimi keçib.
Lent.az xarici mediaya istinadən bildirir ki, “Xetafe”nin rəsmi saytındakı xəbərə görə, oyunçunun müqaviləsi 2027-ci il iyunun 30-na qədərdir.
La Liqa əvvəllər Karvahalın transferini onun maaşının kəskin şəkildə azaldılması səbəbindən bloklamışdı – “Real”dakı ildə təxminən 10 milyon avrodan “Xetafe”də 400 min avroya qədər. Bu qayda liqadakı bütün klublara şamil edilir və vergilərdən yayınan gizli ödənişlərin qarşısını almaq məqsədi daşıyır. Lakin "qara göylər" sonda liqa ilə razılığa gəlib və titullu ispaniyalı ilə müqavilə imzalayıb.
Karvahal 2002-ci ildən "Real"də çıxış edib. Bu müddət ərzində o, klubda 23 mövsüm keçirib, bunlardan 13-ü əsas komandada olub.
Madrid klubu ilə müdafiəçi 27 kubok qazanıb, o cümlədən altı Çempionlar Liqası, dörd İspaniya liqası və iki Kral Kuboku titulu.
O, "Real"ın böyüklər komandasında 450 oyun keçirib və 14 qol vurub.
İspaniya milli komandası ilə 2024-cü ildə Avropa və 2022/23-cü illərdə Millətlər Liqasının qalibi olub. Karvahal milli komandada 52 oyun keçirib və bir qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
