Messi nə vaxta qədər futbol oynayacaq? – Özü AÇIQLADI

"İnter Mayami"nin və Argentina millisinin hücumçusu Lionel Messi, daha bacara bilməyəcəyini hiss edənə qədər futbol oynayacağını deyib.

Lent.az xarici mediaya istinadən bildirir ki, bu barədə “MarcaQ xəbər verir.

“Artıq bunu edə bilməyəcəyimi hiss edənə qədər davam etmək istəyirəm. Fiziki vəziyyətimin istədiyim kimi oynamağa imkan vermədiyini hiss edənə qədər”, - Messi deyib.

Messi 2003-2021-ci illərdə "Barselona"da çıxış edib. Hər iki tərəfin istəyinə baxmayaraq, İspaniya çempionatının rəhbərliyi tərəfindən qoyulan maliyyə məhdudiyyətləri səbəbindən yeni müqavilə bağlanmayıb və argentinalı azad agentə çevrildi. O, qalmaq üçün maaşının yarısını verməyə hazır olduğunu etiraf edib. İspaniya komandasının tərkibində Messi 10 dəfə çempionluq qazanıb, 7 dəfə ölkə kuboku və 4 dəfə Çempionlar Liqasının qalibi olub.

Hücumçu iki il Fransanın PSJ klubunda oynadıqdan sonra 2023-cü ilin yayında “İnter Mayami”yə keçib. Avqustun 20-də argentinalı Amerikada ilk kuboku - Liqa Kubokunu qazanıb.