“Mançester Yunayted” baş məşqçisini istefaya göndərəcək? - Hollandiyalının CAVABI

"Mançester Yunayted"in baş məşqçisi Erik ten Haq gələn mövsüm "qırmızı şeytanlar"ı çalışdırmağa davam edib-etməyəcəyi ilə bağlı sualı cavablandırıb.

“Mənim heç bir şübhəm yoxdur. Mən sadəcə işimə, prosesə və bu layihəyə fokuslanmışam. Burada olmaqdan çox zövq alıram. Bu, mənim üçün çağırışdır”, - Lent.az-ın xarici KİV-ə istinadən məlumatına görə, ten Haq söyləyib.

Xatırladaq ki, bundan əvvəl mətbuatda bu mövsümün sonunda ten Haqın istefaya göndəriləcəyi ilə bağlı xəbərlər yayılıb. 54 yaşlı mütəxəssisin yerinə namizədlərdən biri kimi İngiltərə millisinin baş məşqçisi Qaret Sautqeytin adı çəkilib.

Hollandiyalı mütəxəssis 2022-ci ilin yayında “Mançester Yunayted”i çalışdırır.

İngiltərə Premyer Liqasında 30 oyundan sonra ten Haqın yetirmələri 48 xala malikdir və hazırda altıncı yerdədir.