Lui van Qala inanılmaz sözlər: “Saxtakar və yalançı”

"Barselona"nın və Bolqarıstan millisinin unudulmaz üzvlərindən olan Hristo Stoiçkov təcrübəli baş məşqçi Lui van Qal haqda olaya səbəb olacaq açıqlamalar verib.

Lent.az xarici mediaya istinadla bildirir ki, "Barselona" ilə 5 La Liqa və 1 Çempionlar Liqası çempionu olan Hristo Stoiçkov "Ayaks"ın müşaviri Lui van Qal haqqında diqqətçəkən açıqlamalar verib.

Hristo Stoiçkov futbolçu karyerası boyu böyük komandalarda çıxış edib. Bolqarıstanlı keçmiş futbolçu, əvvəllər “Maritsa”, “Hebros”, OMİK Sofiya, “Barselona”, AC Parma, “Al-Nassr”, “Kashiwa Reysol”, “Chicago”, D.C. O, United forması geyinib.

Stoiçkov hollandiyalı mütəxəssislə bağlı deyib: "Lui? Lui kimdir? Adını ucadan demək belə istəmirəm. Onun haqqında danışanda ağlıma heç nə gəlmir. O, böyük peşəkardır. Bunu heç kim inkar etmir. Məşq üsulları, üçbucaq oyunu, məşqçiliyi yaxşıdır,amma insan kimi onu bəyənmirəm. Ola bilər ki, pis görünə bilərəm,amma onun haqqında danışmaq istəmirəm. Onun kimi birini tanımıram. Mən də hər şeydə yaxşı deyiləm, amma onları təkmilləşdirməyə çalışıram. Onun kimi olmaq istəmirəm".

"Barselona"nın keçmiş yarımmüdafiəçisi daha sonra sözünü belə davam etdirib: "Biz ondan yox, başqasından danışırıq. O, mənim həyatımda heç kim deyil. O, fırıldaqçı və yalançıdır. Bir dəqiqə də belə birlikdə keçirmək istəmədiyim yalançı. O buna dəyməz".