Qazaxıstanda uşaq futbol komandasını daşıyan mikroavtobus qəzaya düşüb.
Lent.az yerli mediaya istinadla məlumatına görə, komanda oyun üçün Pavlodardan Astanaya gedirmiş. Sürücü yük avtomobilini səhv ötüb və avtobus aşıb.
Mikroavtobusda 14-16 yaş arası 16 uşaq, həmçinin onları müşayiət edən məşqçi olub. İdmançılar yardım üçün tibb müəssisəsinə aparılıb və həkim nəzarətindədirlər. Məşqçi isə hadisə yerində dünyasını dəyişib.
Qəza ilə bağlı cinayət işi açılıb, bütün zəruri istintaq hərəkətləri başlanıb.
Həmçinin qeyd olunub ki, futbolçular özəl idman məktəbində məşq ediblər. Rəhbərliyin qarşıdakı səfərlə bağlı polis əməkdaşlarına əvvəlcədən məlumat vermədiyi və bu səbəbdən patrul dəstələrinin lazımi müşayiəti təmin olunmadığı bildirilib. Bu hadisə ilə bağlı da araşdırmalara başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
