Ən yaxşı futbolçu adına namizədlər AÇIQLANDI

UEFA rəsmi saytında 2022/2023 mövsümünün ən yaxşı oyunçusu mükafatına namizədləri açıqlayıb.

Lent.az xarici mediaya istinadla bildirir ki, ən çox səs toplayan ilk üç namizəd aşağıdakılardır: Lionel Messi (hücumçu, “İnter Mayami”də oynayır), Erlinq Haaland (hücumçu, “Mançester Siti”) və Kevin De Bruyne (yarımmüdafiəçi, “Mançester Siti”).

İlkin olaraq 2022/2023 mövsümündəki çıxışlarına əsasən səsvermə üçün oyunçuların qısa siyahısı tərtib edilib. Daha sonra ötən mövsüm Avropa yarışlarında çıxış etmiş klubların baş məşqçiləri ilə UEFA-ya üzv ölkələrin milli komandalarının məşqçiləri arasında səsvermə yolu ilə ilk üçlük müəyyənləşib. Seçicilər arasında xüsusi seçilmiş jurnalistlər də olub. Məşqçilərə öz komandalarının oyunçularına səs verməyə icazə verilməyib.

Qalib avqustun 31-də Çempionlar Liqasının 2023/2024-cü il mövsümünün qrup mərhələsinin püşkatma mərasimində açıqlanacaq.