“Real”ın yarımmüdafiəçisi İsko yayda “Betis”ə keçə bilər.
Lent.az Apasport.az saytına istinadən xəbər verir ki, La Liqa təmsilçisi ulduz futbolçuya 2 illik müqavilə təklif edib.
“Betis”in baş məşqçisi Manuel Pelleqrini İspaniya millisinin üzvü ilə “Malaqa”da bir yerdə çalışdığından, onu yenidən sərəncamında görmək istəyir. 30 yaşlı pleymeykerlə razılıq əldə olunsa, keçid havayı başa gələcək. Çünki İskonun madridlilərlə müqavilə müddəti mövsümün sonuna qədərdir.
Qeyd edək ki, İsko “Real”ın heyətində 350 oyunda 53 qol vurub, 56 məhsuldar ötürmə verib. Yarımmüdafiəçi “kral klubu” ilə 17 kubok qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
