Azərbaycan Premyer Liqası derbilərlə başlayır - PROQRAM

Lent.az-ın məlumatına görə, çempionatda çıxış edən 12 komandanın tərkibində ötən mövsümlə müqayisədə heç bir dəyişiklik yoxdur.

I turda 6 qarşılaşmadan 5-i baş tutacaq. “Neftçi” və “Bakı” komandaları arasındakı paytaxt derbisi təxirə salınıb. Bu qərar flaqmanın avqustun 8-də Çempionlar Liqasının III təsnifat mərhələsində İsrail “Hapoel”i ilə keçirəcəyi cavab görüşünə daha yaxşı hazırlığını təmin etmək üçün verilib. Qalan matçlara gəldikdə, ilk oyun gününün qarşılaşmaları əyalətlərdə keçiriləcək. Ertəsi gün isə görüşlər paytaxtda olacaq.

Çempionatın açılış oyunları Azərbaycanın ikinci və üçüncü böyük şəhərlərində keçiriləcək. Gəncədə “Kəpəz”lə “Turan” arasında Qərb, Sumqayıtda eyniadlı komanda ilə AZAL arasında Abşeron derbiləri baş tutacaq. Bu oyunlardan az sonra Zaqatalada isə “Simurq”la “Qəbələ” arasında Şimal-Qərb derbisi olacaq.

4 avqust (şənbə)

18:30. “Sumqayıt” – AZAL (Bakı)
Hakimlər: Anar Salmanov, Yaşar Abbasov, Mübariz Haşımov, Orxan Məmmədov
Sumqayıt. Mehdi Hüseynzadə adına şəhər stadionu

18:30. “Kəpəz” (Gəncə) – “Turan” (Tovuz)
Hakimlər: Əliyar Ağayev, Mehman Mahmudov, Munis Abdullayev, Elvin Əsgərov
Gəncə şəhər stadionu.

19:00. “Simurq” (Zaqatala) – “Qəbələ”
Hakimlər: Elçin Məmmədov, Namiq Hüseynov, Nahid Əliyev, Fərid Məmmədov
Zaqatala şəhər stadionu.

5 avqust (bazar)

20:00. “Rəvan” (Bakı) – “Xəzər Lənkəran”
Hakimlər: Vüsal Əliyev, Rza Məmmədov, Rahil Ramazanov, Ramil Əhmədov
“Dalğa Arena”

20:00. “İnter” (Bakı) – “Qarabağ” (Ağdam)
Hakimlər: Fariz Yusifov, Vaqif Musayev, Elman Musayev, Rəhim Həsənov
“AZAL Arena”.