Avropa Liqası: Azərbaycan klubları qol döyüşünə çıxır
26 iyul 2012 19:00 (UTC +04:00)

Avropa Liqası: Azərbaycan klubları qol döyüşünə çıxır

Lent.az-ın məlumatına görə, hər iki komandamız səfərdə oynayacaq.

Əvvəlcə “İnter” Yunanıstanda “Asteras”ın qonağı olacaq. Bakı vaxtı ilə saat 22:00-da başlanacaq görüşü Lars Kristoffersenin başçılıq etdiyi danimarkalı hakimlər briqadası idarə edəcək. Matç Tripolis şəhərindəki “Astreras Tripolis” stadionunda baş tutacaq.

Saat 23:00-da isə “Xəzər Lənkəran” Polşada “Lex”lə üz-üzə gələcək. Bolqarıstanlı referi Stanislav Todorovun idarə edəcəyi oyun Poznandakı “Municipial Arena”da keçiriləcək.

Qeyd edək ki, həm “Xəzər Lənkəran”, həm də “İnter” bir həftə öncə ev oyunlarından 1:1 hesablı heç-heçə ilə ayrılıblar. Hər iki komanda hesabı birinci açsa da, qələbəni əldən verib. Cavab görüşündə klublarımıza ilk növbədə qol vurmaq, sonra isə 2:2-dən başlayaraq, məhsuldar heç-heçə və ya qələbəyə nail olmaq lazımdır.

Elşən MƏMMƏDOV
# 531

Oxşar yazılar