“İnter” Tripolisə yollanır
23 iyul 2012 17:18 (UTC +04:00)

“İnter” Tripolisə yollanır

Futbol üzrə Avropa Liqasının II təsnifat mərhələsində Yunanıstan “Asteras”ı ilə cavab görüşünə hazırlaşan Bakı “İnter”i iyulun 24-də səfərə çıxacaq. Lent.az-ın məlumatına görə, baş məşqçi Kaxaber Tsxadadzenin komandası Bakıdakı son məşqini bu gün saat 19:00-da keçəcək. Sabah səhər saatlarında isə “İnter” görüşün keçiriləcəyi Tripolis şəhərinə yola düşəcək. “İnter” əvvəlcə çarter reysi ilə Yunanıstanın paytaxtı Afinaya yollanacaq, sonra isə avtobusla Tripolisə gedəcək. Komanda üzvləri “Arkhontico Kaltezioti” otelində məskunlaşacaqlar.


Qeyd edək ki, iyulun 26-da keçiriləcək “Asteras” – “İnter” matçı Bakı vaxtı ilə saat 22:00-da başlayacaq. Komandaların Bakıda keçirilən ilk qarşılaşmasında 1:1 hesablı heç-heçə qeydə alınıb.
# 474

Oxşar yazılar