Unibank Premyer Liqası: “Rəvan” qeyri-rəvan komandanı yendi

Futbol üzrə Unibank Premyer Liqasında VII tura start verilib. Lent.az-ın məlumatına görə, turun açılış oyunu Tovuzda “Turan”la “Rəvan” komandaları arasında keçirilib.

Bu oyuna qonaqlar yeni baş məşqçi Vladislav Qədirovun rəhbərliyi, meydan sahibləri isə maliyyə problemlərinin təsiri altında çıxıblar. Görüş Qədirovun komandasının xeyrinə nəticələnib. 60-cı dəqiqədə Reis Klaudineinin vurduğu qol “Rəvan”a çempionatda ilk qələbəni qazandırıb. Bu qələbədən sonra “Turan” 10-cu pilləyə enib. “Rəvan” isə 9-cu pilləyə yüksəlib. Lakin hər iki komanda eyni miqdarda – 6 xala malikdir.

Hazırda “Neftçi” – “Bakı” və “Xəzər Lənkəran” – “Qəbələ” görüşləri keçirilir. Sentyabrın 24-də isə daha 3 qarşılaşma baş tutacaq:

15:00. “Sumqayıt Şəhər” – “Simurq” (Zaqatala)
Hakimlər: Vüsal Əliyev, Zeynal Zeynalov, İsgəndər Əliyev, Ramil Əhmədov
Mehdi Hüseynzadə adına Sumqayıt şəhər stadionu.

18:00. AZAL (Bakı) – “Qarabağ” (Ağdam)
Hakimlər: Anar Salmanov, Azər Əsgərov, Elşən Acalov, Rauf Cabbarov
AZAL Arena.

19:00. “İnter” (Bakı) – “Kəpəz” (Gəncə)
Hakimlər: Rəhim Həsənov, Aleksandr Musatkin, Knyaz Əmiraslanov, Fariz Yusifov
“Şəfa” stadionu.