Unibank Premyer Liqası: 3 referi ehtiyata göndərildi

Lent.az-ın Peşəkar Futbol Liqasının rəsmi saytına istinadən verdiyi məlumata görə, AFFA Hakimlər Komitəsi ötən turla müqayisədə cəmi 3 referi dəyişikliyinə əl atıb.

Fariz Yusifov, Rauf Cabbarov və Əliyar Ağayevi Vüsal Əliyev, Ramil Diniyev və Rəhim Həsənov əvəzləyib. Diniyev lider “Xəzər Lənkəran”la “Qəbələ” arasındakı matça təyinat alıb. Əliyevə “Sumqayıt Şəhər” – “Simurq”, Nəcəfova “İnter” – “Kəpəz” matçı həvalə olunub. Yusifov, Cabbarov və Ağayev isə bu dəfə ehtiyat hakim funksiyalarını yerinə yetirəcəklər.

“Neftçi” ilə “Bakı” arasında keçiriləcək paytaxt derbisi Elçin Məmmədova həvalə olunub. Anar Salmanov AZAL – “Qarabağ”, Rövşən Əhmədov isə “Turan” – “Rəvan” matçında fit çalacaq.

23 sentyabr (cümə)

16:00. “Turan” (Tovuz) – “Rəvan” (Bakı)
Hakimlər: Rövşən Əhmədov, Habil Əliyev, Rza Məmmədov, İnqilab Məmmədov
Tovuz şəhər stadionu.

18:00. “Neftçi” (Bakı) – “Bakı”
Hakimlər: Elçin Məmmədov, Mehman Mahmudov, Rahil Ramazanov, Orxan Məmmədov
Tofiq Bəhramov adına Respublika stadionu.

18:30. “Xəzər Lənkəran” – “Qəbələ”
Hakimlər: Ramil Diniyev, İlham Əliyev, Vaqif Musayev, Əliyar Ağayev
Lənkəran şəhər mərkəzi stadionu.

24 sentyabr (şənbə)

15:00. “Sumqayıt Şəhər” – “Simurq” (Zaqatala)
Hakimlər: Vüsal Əliyev, Zeynal Zeynalov, İsgəndər Əliyev, Ramil Əhmədov
Mehdi Hüseynzadə adına Sumqayıt şəhər stadionu.

18:00. AZAL (Bakı) – “Qarabağ” (Ağdam)
Hakimlər: Anar Salmanov, Azər Əsgərov, Elşən Acalov, Rauf Cabbarov
AZAL Arena.

19:00. “İnter” (Bakı) – “Kəpəz” (Gəncə)
Hakimlər: Rəhim Həsənov, Aleksandr Musatkin, Knyaz Əmiraslanov, Fariz Yusifov
“Şəfa” stadionu.