Ronaldunun toy tarixi açıqlandı
21 sentyabr 2011 16:55 (UTC +04:00)

Ronaldunun toy tarixi açıqlandı

Ronaldu toy tarixini təsadüfi seçməyib. 2012-ci il Avropa çempionatının final mərhələsi iyulun 1-də yekunlaşacaq. Portuqaliya millisi hələ final mərhələsinə vəsiqəni təmin etməsə də, çempion olmağı hədəfləyib. Yarışdan 11 gün sonra futbolçu nikah stoluna əyləşəcək.

Onun seçim etdiyi qadın isə dünyada İrina Şeyk kimi tanınan milliyyətcə tatar model İrina Şeyxülislamovadır. Şeyk 6 yanvar 1986-cı ildə Rusiyanın Çelyabinsk vilayətinin Yemanjelinsk şəhərində anadan olub. O, 19 yaşında ikən “Supermodel-2004” regional gözəllik müsabiqəsinə qatılıb. Sonradan İrinaya Avropada və ABŞ-da iş təklif olunub. Şeyk dünyanın ən nüfuzlu jurnallarının üz qabığında peyda olub. Hazırda “Sports Illustrated Swimsuit Edition” nəşrinin simasıdır. Tatar model dünyanın ən seksual modelləri siyahısında 10-cudur.

Ronaldu Şeyklə ilyarım öncə “Armani” moda evinin reklam çəkilişlərində tanış olub. 14 fevral sevgililər günündə futbolçu modelə evlənmək təklifində bulunub, mayda isə onu öz valideynləri ilə tanış edib.

Toy Portu Santu otelindəki Madeyra şəhərində keçiriləcək. Portuqaliyalı jurnalistlərin fikrincə, mərasim futbolçunun vətənində indiyədək təşkil olunanlar arasında ən qəşəngi olacaq.
# 651

Oxşar yazılar