AFFA milli komandaya daha bir rəqib tapdı
21 sentyabr 2011 11:58 (UTC +04:00)

AFFA milli komandaya daha bir rəqib tapdı

Azərbaycan milli komandasının daha bir beynəlxalq yoldaşlıq oyunu keçirməsi ilə bağlı AFFA tərəfindən aparılmış danışıqlar müsbət yekunlaşıb. Lent.az-ın məlumatına görə, millimiz noyabrın 11-də Albaniya yığması ilə üz-üzə gələcək.

Görüş Albaniyada təşkil olunacaq. Bu qarşılaşma 2012-ci il Avropa çempionatının seçmə mərhələsi yekunlaşdıqdan sonra baş tutacaq.

Qeyd edək ki, Azərbaycan və Albaniya milli komandaları indiyədək 4 dəfə qarşılaşıb. 2000-ci il fevralın 8-də Maltada təşkil olunmuş beynəlxalq turnir çərçivəsində keçirilən oyunda 1:0 hesabı ilə albaniyalı futbolçular qələbə qazanıb. 2002-ci il martın 27-də və 2005-ci il avqustun 17-də Tirana şəhərində Albaniya və Azərbaycan milliləri arasında yoldaşlıq oyunu keçirilib. Bu oyunlar, müvafiq olaraq, 1:0 və 2:1 hesabı ilə meydan sahiblərinin xeyrinə yekunlaşıb. 2008-ci il noyabrın 19-da Tofiq Bəhramov adına Respublika stadionunda keçirilən Azərbaycan – Albaniya yoldaşlıq oyunu isə heç-heçə nəticələnib – 1:1.
# 353

Oxşar yazılar