Unibank Premyer Liqası: Paytaxt derbisi əyalət hakiminə

Lent.az-ın AFFA-nın rəsmi saytına istinadən verdiyi məlumata görə, qarşıdakı turun 6 görüşündən 4-ü təcrübəli referilərə həvalə olunub.

Lider “Xəzər Lənkəran”ın “Qarabağ”la oynayacağı səfər qarşılaşmasına beynəlxalq dərəcəli hakim Fariz Yusifov təyinat alıb. Son çempion “Neftçi”nin “Qəbələ” ilə Bakıda keçirəcəyi matçın baş hakimi isə daha bir FİFA referisi Anar Salmanov olacaq. AZAL-la “İnter” arasındakı paytaxt derbisi ən yaşlı baş hakim, əslən mingəçevirli Rövşən Əhmədovun sərəncamına verilib. Futzal üzrə FİFA referisi Elçin Məmmədov isə Zaqatalada təşkil olunacaq “Simurq” – “Kəpəz” matçına göndərilib.

Yalnız “Rəvan” – “Sumqayıt Şəhər” və “Turan” – “Bakı” matçları daha az təcrübəyə malik Əliyar Ağayevlə Rauf Cabbarova tapşırılıb.

17 sentyabr (şənbə)

16:00. “Qarabağ” (Ağdam) – “Xəzər Lənkəran”
Hakimlər: Yusifov Fariz, Məmmədov Rza, Ramazanov Rahil, Həsənov Rəhim
Tofiq İsmayılov adına Suraxanı qəsəbə stadionu.

18:00. “Simurq” (Zaqatala) – “Kəpəz” (Gəncə)
Hakimlər: Məmmədov Elçin, Əliyev Nahid, Hüseynov Namiq, Məmmədov İnqilab
Zaqatala şəhər stadionu.

19:00. AZAL (Bakı) – “İnter” (Bakı)
Hakimlər: Əhmədov Rövşən, Musayev Elman, Hacıyev Samir, Əliyev Vüsal
AZAL stadionu.

18 sentyabr (bazar)

16:00. “Turan” (Tovuz) – “Bakı”
Hakimlər: Cabbarov Rauf, Əliyev İlham, Həsənov Coşqun, Ağayev Hacıəli
Tovuz şəhər stadionu.

17:00. “Rəvan” (Bakı) – “Sumqayıt Şəhər”
Hakimlər: Ağayev Əliyar, Mahmudov Mehman, Abdullayev Munis, Diniyev Ramil
“Dalğa Arena”.

18:30. “Neftçi” (Bakı) – “Qəbələ”
Hakimlər: Salmanov Anar, Abbasov Yaşar, Haşımov Mübariz, Əhmədov Ramil
Tofiq Bəhramov adına Respublika stadionu.