Çempionlar Liqası: “Trabzonspor” yeni tarix yazdı

Lent.az-ın məlumatına görə, Türkiyənin turnirdəki yeganə təmsilçisi “Trabzonspor” gecənin sensasiyasına imza atıb. Baş məşqçi Şenol Günəşin komandası İtaliyada adlı-sanlı “İnter”i məğlub edib. Düz 28 il öncə Günəş qapıçı kimi çıxış etdiyi vaxt “Trabzonspor” UEFA Kubokunun I mərhələsinin ilk görüşündə bu komandanı öz meydançasında minimal hesabla yenmişdi. Bu dəfə isə o, baş məşqçi kimi səfərdə “İnter”ə eyni hesabla qalib gəlib. Baxmayaraq ki, cəzalı olduğu üçün özü komandaya tribunadan təlimatlar verib, aparıcı futbolçular Burak Yılmaz və Adrian Mirzeyevski görüşü buraxıb.

76-cı dəqiqədə çexiyalı yarımmüdafiəçi Ondrey Çelyustkanın vurduğu qol “Trabzonspor”a tarixi qələbə qazandırıb. “Qara dəniz fırtınası” 2009-2010-cu il mövsümündə Çempionlar Liqasının qalibi, əvvəllər Türkiyə komandaları ilə keçirdiyi 4 matçı da qələbə ilə başa vurmuş “İnter”i yenməyi bacarıb. Bu qələbə “Trabzonspor”u həm də ilk turdan B qrupunun liderinə çevirib. Çünki qrupun digər matçında “Lill” MOİK-lə heç-heçə edib.

A qrupu

“Mançester Siti” (İngiltərə) – “Napoli” (İtaliya) – 1:1
Qollar: Aleksandr Kolarov, 74 – Edinson Kavani, 69

“Vilyarreal” (İspaniya) – “Bavariya” (Almaniya) – 0:2
Qollar: Toni Kroos, 7. Rafinya, 76

B qrupu

“Lill” (Fransa) – MOİK (Moskva, Rusiya) - 2:2
Qollar: Mussa Sou, 45. Benua Pedretti, 57 – Seydu Dumbya, 72; 90

“İnter” (İtaliya) – “Trabzonspor” (Türkiyə) – 0:1
Qollar: Ondrey Çelyustka, 76

C qrupu

“Benfika” (Portuqaliya) – “Mançester Yunayted” (İngiltərə) – 1:1
Qollar: Oskar Kardoso, 24 – Rayan Giqqz, 42

“Bazel” (İsveçrə) – “Otselul” (Rumıniya) – 2:1
Qollar: Fabian Fray, 39. Aleksandr Fray, 84-pen. – Marius Pena, 58
Qırmızı vərəqələr: Bencamin Hüggel, 87 – Adrian Selecyanu, 82

D qrupu

“Dinamo” (Zaqreb, Xorvatiya) – “Real Madrid” (İspaniya) – 0:1
Qollar: Anxel Di Mariya, 53
Qırmızı vərəqə: Marselo, 73 (“Real Madrid)

“Ayaks” (Hollandiya) – “Lion” (Fransa) – 0:0