Türkiyə Suerliqası başlayır
10 sentyabr 2011 16:00 (UTC +04:00)

Türkiyə Suerliqası başlayır

Lent.az-ın məlumatına görə, tura Əskişəhərdə start veriləcək. Yerli “Əskişəhərspor” komandası çempionluğa iddialı “Beşiktaş”ı qəbul edəcək. Oyun Bakı vaxtilə saat 18:30-da başlayacaq.

Bu gün daha 3 oyun da nəzərdə tutulub. Son çempion “Trabzonspor” “Manisaspor”la, debütant “Samsunspor” “Gənclərbirliyi”, “Ankaragücü” isə “Mərsin İdmanyurdu” ilə münasibətləri aydınlaşdıracaq.

İddialı “Qalatasaray” 2011-2012-ci il mövsümünə sabah start verəcək. Fatih Terimin bayraqdarı olduğu komanda “İstanbul BB”nin qonağı olacaq. Türkiyə futbolunda adı qara siyahıya düşmüş “Fənərbaxça” isə sentyabrın 12-də mövsümə başlayacaq. Rəhbərliyi həbsxanada olan komanda superliqaya yeni vəsiqə qazanmış “Orduspor”la qarşılaşacaq.

Qeyd edək ki, Türkiyədə danışılmış oyunlarla bağlı yaranan qalmaqal və başlanan cinayət işi ilə əlaqədar yeni mövsüm bir ay gec başlayır.
# 359

Oxşar yazılar