DəmirBank sponsorluq etdiyi güləşçiləri Avropa Çempionu olması münasibətilə təbrik edib

Görüş zamanı idmançılara Samsung markalı mininout və videokameranın daxil olduğu hədiyyə paketləri təqdim olunub. DəmirBank sponsorluq etdiyi idmançıları Avropa və Dünya Çempionatlarında əldə edilmiş qələbələr münasibətilə təbrik edib və onlara yeni nailiyyətlər arzulayıb.

DəmirBank sosial yönümlü fəaliyyətinə uyğun olaraq bu ilin iyul ayından Şəmkir Olimpiya Kompleksi nəzdində yeniyetmələrdən ibarət güləş komandasının güləşçiləri Elçin Məmmədova və Fərid Əkbərliyə, eləcə də məşqçi İlqar Abdullayeva maddi dəstək göstərir. Bu məqsədlə Şəmkir şöbəsi tərəfindən idmançılara təqdim edilmiş VISA plastik kartlarına aylıq vəsait yerləşdirilir. Maddi dəstək idmançıların turnirlərə hazırlığı, məşq prosesi və sair maddi ehtiyaclarının ödənilməsi üçün göstərilir.

Ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.