Futbol matçları hər biri 30 dəqiqəlik 3 hissədən ibarət ola bilər

Lent.az-ın məlumatına görə, bu qərarın stadionlarda temperaturun insan sağlamlığı üçün təhlükə törədəcək dərəcədə yüksək olacağı halda qəbul edilməsi mümkündür.

Qətərdəki dünya çempionatında stadionların sərinləşdirilməsi texnologiyasını işləyib hazırlayan firmanın rəhbəri Maykl Bivon bildirib ki, arenalarda temperaturun müsbət 24 dərəcə civarında olacaq. Lakin həddən artıq istilik də mümkündür: “Temperaturun 24 – 29 dərəcə aralığında olacağı halda günvurma riski mövcuddur. Temperatur daha yüksək olarsa, belə risk qeyri-adi dərəcədə yüksəkdir. FİFA-ya məsləhət görərdim ki, belə hallarda komandaları iki 45 dəqiqəlik yox, üç 30 dəqiqəlik oynatsın”.

Lakin FİFA rəsmiləri belə radikal dəyişikliklərin hələlik müzakirə olunmadığını bildirib: “İstənilən halda bu, oyun qaydalarına dəyişikliklərin edilməsini tələb edir. Ona görə də yenilik Beynəlxalq Futbol Assosiasiyaları Şurası tərəfindən hərtərəfli analiz olunmalı və təsdiqlənməlidir”.