Mariya Şarapova “Sugarpova” konfeti buraxacaq

Lent.az-ın “The New York Times”a istinadən verdiyi məlumata görə, Şarapova xüsusi olaraq “Sugarpova” markası da fikirləşib.

Onun biznes tərəfdaşı Ceff Rabin olacaq. Əvvəllər Rabin ABŞ-da şirniyyat satışı üzrə ixtisaslaşmış “Dylans Candy Bar” mağazalar şəbəkəsi yaratmağa kömək edib. Şarapovanın məhsullarının kiçik tennis topları formasında hazırlanacağı, tennis toplarının aparılması üçün nəzərdə tutulan konteyneri xatırladan konteynerlərlərdə satılacağı gözlənilir. Rabin bu layihəni avqustda həyata keçirməyə ümid etdiklərini bildirib. Əvvəlcə o, ABŞ ərazisində reallaşdırılacaq.

Qeyd edək ki, Mariya Şarapova dünyanın ən varlı qadın idmançılarından sayılır. Ona gəlirlərinin böyük hissəsini idman uğurları yox, reklam gətirir. “Forbes” jurnalının hesablamalarına əsasən, 2010-cu ilin ortalarında Şarapovanın reklam müqavilələri portfeli 24 milyon dollar olub. Rusiyalı tennisçi “Canon”, “Prince”, “Tiffany”, “Land Rover”, “Nike”, “Lady Speed Stick” kişi şirkətləri reklam edir.