Unibank Premyer Liqası: Gümüş və bürünc medalların sahibləri məlum oldu

Lent.az-ın məlumatına görə, XXXII turun mayın 18-də keçirilmiş oyunları nəticəsində “Xəzər Lənkəran”ın gümüş, “Qarabağ” isə bürünc medala sahib çıxıb.

Hələ 3 tur öncə çempionluğu təmin etmiş “Neftçi” “Xəzər Lənkəran”la bu mövsüm keçirdiyi 6-cı matçını da qələbə ilə başa vura bilməyib. İkinci hissənin əvvəlində Kamran Ağayevin səhvindən sonra Cavid İmamverdiyevin qolu ilə hesabda irəli çıxan flaqmanın sevinci bir dəqiqə sürüb. Culius Vobay Lənkəran komandasının bərabərlik topunu vurub. Bundan az sonra “Neftçi”nin futbolçusu Rəşad Abdullayev simulyasiyaya görə ikinci sarı vərəqə ilə meydançadan qovulub. Azlıqda qalmasına baxmayaraq, flaqman heç-heçəni qoruyub. Paralel oyunda “Qarabağ” AZAL üzərində qələbəni əldən verib. 1:3 hesabı ilə uduzan Ağdam komandası ardıcıl ikinci mövsüm bürünc medalla kifayətlənib. AZAL isə 4-cü yeri tutub. “Bakı”nı məğlub etmiş son çempion “İnter” 5-ci pillə ilə kifayətlənib. İlk “6-lığ”ı ölkə kubokunun ötənilki sahibi “Bakı” qapayıb.

18 may (çərşənbə)

“Bakı” – “İnter” (Bakı) – 0:1
Rövşən Əmiraslanov, 26

AZAL (Bakı) – “Qarabağ” (Ağdam) – 3:1
Mensur Limani, 41; Mirko Bunyevçeviç, 43; Enyo Krastovçev, 88// George Adamiya, 12

“Neftçi” (Bakı) – “Xəzər Lənkəran” – 1:1
Cavid İmamverdiyev, 46 - Culius Vobay, 47
Qırmızı vərəqə: Rəşad Abdullayev, 53 (“Neftçi”)

Çempionata mayın 19-da ikinci “6-lıq”da keçiriləcək daha 3 oyunla yekun vurulacaq:

16:00. MOİK (Bakı) – “Turan” (Tovuz)
“Bakı” klubunun təlim-məşq bazasının stadionu.

16:00. “Simurq” (Zaqatala) – “Gəncə”
Zaqatala şəhər stadionu.

16:00. “Qəbələ” – “Muğan” (Salyan)
”Şəfa” stadionu.

Turnir cədvəli

	Komanda	O	Q	H	M	Qollar	Xallar
1	Neftçi	32	19	10	3	53-17	67
2	Xəzər Lənkəran	32	16	12	4	38-18	60
3	Qarabağ	32	17	7	8	41-22	58
4	AZAL	32	13	10	9	36-28	49
5	İnter	32	13	10	9	29-24	49
6	Bakı	32	10	10	12	33-32	40
7	Qəbələ	31	12	12	7	29-17	48
8	Muğan	31	13	8	10	28-29	47
9	Gəncə	31	8	12	11	30-33	36
10	Turan	31	7	6	18	23-43	27
11	Simurq	31	3	7	21	16-49	16
12	MOİK	31	3	6	22	10-54	15